Annelies Marie (Anne) Frank (Frankfurt am Main, den 12. juni 1929 – Bergen-Belsen, february 1945) was en düütsk un later ståtenloos jöädsk mäken. See wör nå öären doud in den Tweyden Wearldoorlog wearldberoomd döär et dagbook wat se byhölden had do as se versköälen sat in et Achterhuus an de Prinsengracht in Amsterdam. Der wördt emeynd dat see störv an vlaktyfus in february van 1945, do as se in et koncentratykamp Bergen-Belsen sat. De neaderlandske regeyring hevt skounwal de officiäle starvdåtum up den 31. määrt 1945 esat. Öär dagbook is nå öären doud uutegeaven un geldet as eyne van de meysteleasene böker van de wearld. Internationaal is Anne Frank et symbool van de holocaust ewörden; et stelselmåtig uutmoarden van ses miljoon jöädske lüde in den Tweyden Wearldoorlog.