升中四了，還未試過拍拖，但高登仔說：「不緊要，依家努力讀書考好會考，第時有錢你慌無女？」

結果，毒撚克服了一個又一個的考試，升上大學；影畢業相時，發覺好多人都一雙一對，原來大學係撮合情侶既好地方。毒撚依然一個，但高登仔說：「不緊要，即將係你踏入社會大展拳腳既時候，亦係你幸福生活既開始！」

毒撚努力工作，三年，五年，七年過去了，依然單身。毒撚成為高收入人仕 － 月薪達二萬零五百蚊。

毒撚年過三十，開始疑惑：「點解我已經係成功人仕，但仲係無女？」更令他驚訝的是，公司不少女同事都同MK型男拍拖結婚，但那些男人可不是事業型喎，例如，Dorothy既男朋友只係中五畢業既Sales，月薪只有一萬八千蚊，比自己足足少了二千多元！點解？高登仔唔係話努力讀書成為有錢人就有女既咩？

不知不覺毒撚到了中年，身邊已無什麼朋友，自己渡過一個又一個既聖誕節及情人節。

毒撚年老了，孤零零一個坐在公園，回想一生：「自己曾得過什麼？女人的身體是怎麼樣的？和女朋友係海邊共渡平安夜既滋味係點架？高登仔不是經常留帖話：『後生時唔好浪費時間，第時有錢你荒無女咩！』我照做了，究竟什麼地方出錯？」